Сард нэг удаа зохион байгуулдаг “Нээлттэй Улаанбаатар” хэвлэлийн бага хурал өнөөдөр боллоо.
Энэ үеэр Нийслэлийн Ерөнхий архитектор бөгөөд Хот байгуулалт, хөгжлийн газрын дарга Ц.Тулга "Богд Зонхова" цогцолборын барилгын ажлын зөвшөөрөл олгогдоогүй байсан талаар хэллээ.
Тэрээр “Тасганы овоо орчмын хэсэгчилсэн ерөнхий төлөвлөгөө 2004 онд батлагдсан байдаг. Ерөнхий төлөвлөгөөгөөр Бурхан багшийн сэрэг дүр, цэцэрлэгт хүрээлэн байхаар тусгагдсан.
2007 онд Гандан орчмын Ерөнхий төлөвлөгөө батлагдаад энэхүү хоёр ерөнхий төлөвлөгөөг нэгтгэн түүх, шашин, соёлын цогцолбор буюу аялал жуулчлалын бүс болгохоор төлөвлөсөн байсан.
Соёлын яам, Засгийн газраас ирүүлсэн хүсэлтийн дагуу архитектур төлөвлөлтийн даалгавар, загвар зураг батлагдсан. Харин уг барилгын ажлын зөвшөөрлийн гэрчилгээ олгогдоогүй байсан. Учир нь энэ бол нийслэлээс бус Засгийн газраас зохион байгуулж байгаа ажил юм” гэв.
