Угаарын хийн хордлогын эрсдэлээс урьдчилан сэргийлэх аяны дүгнэлт болон цаг үеийн асуудлаар өнөөдөр “Тавантолгой Түлш” компани, Цагдаагийн ерөнхий газар, Нийслэлийн Мэргэжлийн хяналтын газа, Нийслэлийн Агаарын бохирдолтой тэмцэх газраас хамтран мэдээлэл хийлээ.
Энэ үеэр Тавантолгой түлш компани угаарын хий мэдрэгч дохио өгөхөд тус компанид давхар мэдэгдэл ирж, шалгадаг болсон талаар дуулгав.
“Таван толгой түлш” ХХК-ийн Хэрэглэгчдэд үйлчлэх албаны дарга Ч.Буянжаргал "Сэрүүний улирал эхэлсэнтэй холбоотой гэр хорооллын айл өрхүүд галлагаа эрчилжсэн байна. Мөн айл өрхүүд яндангаа хөөлүүлэх дуудлага өгч байгаа. Гэхдээ өөрсдөө хөөлөх бүрэн боломжтой айл өрхүүд дуудлага өгч, уг үйлчилгээг хүсэж байгаа нь асуудал гаргаж байна. Өөрсдөө хөөлөх бүрэн боломжтой айлын янданг нь хөөлж өгөхгүй бол угаартсан гэх худал дуудлага өгсөн асуудал ч байна. Энэ жилийн хувьд иргэд угаартаж буй шинж, угаарын хийн мэдрэгч нь айлд мэдрэгдвэл давхар мэдээлэл нь манайд ирдэг болсон. Энэ нь иргэдийн аюулгүй байдлыг хангаж, тэдгээр иргэдтэй манайхаас холбогдож “танайд хүн байгаа юу? Дохиолол дуугарч байна” гэх зэргээр мэдэгддэг болсон" гэлээ.
