Голландчууд цэргүүдийг шоглож, усан сандаа гутал хувцастайгаа сэлж, 50 насны төрсөн өдрөөр нь хүүхэлдэй бэлэглэдэг.
Тэдний энэ хачин этгээд зүйлүүд бүгд тайлбартайгаа байдаг.
- Тэд хааныхаа төрсөн өдрөөр улбар шар хувцасаар гоёдог. Зураг дээр экс хатан хаан Беатриксийн зурагтай ард нийтийн зугаалга. Энэ улбар шар өнгө нь эрх баригч Оранский-Нассау овгийнхны уламжлалт өнгө юм. Түүнийг XVI зуунд Вильгельм Оранский (улбар шар) үндэслэн бий болгожээ.
- Голландчууд “гарны шаахай” өмсдөг. Нидерландаас бээлий гэсэн үг нь ингэж орчуулагдана. /handschoenen & hand = гар + schoenen = шаахай/
- Хэд хэдэн үгийг нийлүүлээд урт ээдрээтэй үг зохиодог: persoonlijkheidstoestanden = хувийн байцаалт.
- Хоолондоо цэргийг хэрэглэж, дайн тулаангүйгээр байж чадахгүй. Цэрэг гэж шарсан талхны нарийн зүсмүүдийг нэрлэдэг. Түүнийг ногоон буурцагны сүмстэйгээр өгдөг. Голландчууд өдөрт ганцхан удаа л халуун хоол иддэг. Түүнийгээ хүртэл oorlog (дайн) гэсэн хачиртай чипсээр зоог хийж байдаг. Хамгийн дуртай хоол нь юм л даа. Чипс хийсэн төмснийхөө хаягдлаар фермийнхээ үхрийг тэжээнэ. Мөн тэднийг хотын зүлэгний хадсан өвсөөр тэжээдэг
- Гашуудлаа тайлах ёслол дээр бялуу идэж кофе уудаг. Архи энд хэрэглэдэггүй. Нас барагчдаа гол төлөв Фрэнк Синатрагийн My Way (Миний зам) дууны ая дор чандарлуулдаг.
- Хүүхдүүдэд шөнөөр гудамжинд хулигаантахыг зөвшөөрдөг. Зуны нэг шөнийг 7–15 насны хүүхдүүд өөрсдөө зугаалан аль болохоор их дуу чимээтэй өнгөрөөдөг. Гудамжинд гол төлөв будкан талх, хийтэй ундааны худалдагчид, багш, цагдаа нар л тэр шөнө харагдана.
- Усан санд гутал хувцастайгаа сэлнэ. Ийм аргаар усанд живэгчдийг аврахад сургаж байгаа юм. Тус оронд суваг, нуур цөөрөм их.
- 50 нас хүрсэн хүний гэрийн үүдэнд хүүхэлдэй үлдээнэ. Эмэгтэйд нь Сара, эрэгтэйд нь Авраам хүүхэлдэйг үлдээх ба тэд нь урт удаан насны бэлгэдэл болдог. Төрсөн өдрөөр баярын эзэнд биш бие биендээ баяр хүргэж байдаг. Төрсөн өдөр бол ах дүү амраг садных нь баяр гэж үзнэ.
- Ядарснаа өвчин гэдэг учир ядарсан бол эмнэлэгийн лист бичээд өгнө.
- Ажилгүйчүүдэд амралтын мөнгө олгодог.
М.ЦОГТ