Үндэсний номын баяр 30 дахь удаагаа зохион байгуулагдах гэж байна.
Энэ удаагийн номын баярын үндсэн үйл ажиллагаа Д.Сүхбаатарын талбайд “Өдөр бүр уншъя” уриатайгаар болох бөгөөд Есдүгээр сарын 17-19-ны хооронд үргэлжилнэ.
Энэ жилийн хувьд цар тахалтай холбоотойгоор зарим аймагт задгай талбай эсвэл цахимаар зохицуулалт хийж байгаа аж. Номын баярын албан ёсны нээлт Есдүгээр сарын 17-нд болох бөгөөд олон шинэ ном нээлтээ хийх аж.
Өнөөдөр УИХ-ын даргын санаачилгаарНомын баяр-Бидний баяр хүндэтгэлийн шагнал гардуулах арга хэмжээ Төрийн ордонд болсон юм.
УИХ-ын чуулганаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийн хэлэлцүүлгийг хийн баталсан. Нийтээр тэмдэглэх баярын болон тэмдэглэлт өдрүүдийн тухай хуулийн 5.1.17-д "Үндэсний бичиг соёл, номын өдрүүд: 5 болон 9 дүгээр сарын гурав дахь долоо хоногийн Бямба, Ням гариг” гэж тусгасны дагуу энэхүү өдөр албан ёсны тэмдэглэлт өдөр болсон юм.