ЭМЯ, ХӨСҮТ-өөс мэдээлснээр улсын хэмжээнд сүүлийн 24 цагт коронавируст халдварын 1513 тохиолдол шинээр батлагдаж, бүртгэгдсэн нийт тохиолдлын тоо 156,737 болжээ.
Шинээр илэрсэн тохиолдлууд бүгд дотоодын халдвар бөгөөд
- 501 нь нийслэл хотод,
- 1012 нь орон нутагт бүртгэгдсэн байна.
Мөн хугацаанд 2625 иргэн эдгэрч, эмнэлгийн болон гэрийн ажиглалтаас гарчээ.
Харин коронавируст халдварын улмаас хэвтэн эмчлүүлж байсан 21-80 насны долоон хүн нас барсан байна. Өнөөдрийн байдлаар коронавируст өвчний хүндрэлээр эндсэн хүний тоо 774 болоод байна.
Коронавируст халдварын улмаас 10279 иргэн эмнэлэгт хэвтэн эмчлүүлж, хөнгөн хэлбэрийн оноштой 12,058 хүн өрхийн эмчийн хяналтанд гэрээр эмчлүүлж байна.
Эмнэлэгт хэвтэн эмчлүүлж буй иргэдийн биеийн байдал,
- Хөнгөн – 6,507
- Хүндэвтэр- 2,893
- Хүнд – 909
- Маш хүнд - 201 хүн байна.
