Япон дахь Монголчууд #No_naadam, #No_Tsahim_Naadam эсэргүүцэлд нэгдэж 3 хоногийн турш клубхаус платпорм дээр хэлэлцэж, тус улсад амьдарч байгаа Монголчуудаас цахим гарын үсэг цуглуулжээ.
Тэд өнөөдөр буюу энэ сарын 2-ны өдөр Япон улсад суугаа элчин сайдад Монгол улсын шадар сайд С.Амарсайхан, Засгийн газарт хаягласан шаардах бичгийг хүргүүлэх гэж байна.
Өчигдөр Сүхбаатарын талбай дээр ААН-үүдийн төлөөлөл, залуучууд нэгдэн цахим наамдыг эсэргүүцэж тайван жагсаал хийсэн билээ. Иргэдийн зүгээс бүгдэд эрх тэгш хандах, хууль тэгш үйлчлэхийг шаардаж байна. Учир нь цахим наадмын үйл ажиллагаанд 500 орчим цэрэг цагдаа, урлагын салбарынхан болон 1000 гаруй бөх барилдаж, 2000 гаруй сур харваачид Хүй долоон худагт цуглаж буй юм.
ААН-үүдийн үйл ажиллагаа хаалттай, хатуу чанд дэглэмийн дунд үйл ажиллагаа явуулж байхад ингэж ихээр цуглаж, цахим наамдыг зохион байгуулж байгаа нь УОК-ын шийдвэрүүд тус тусдаа үйлчилж байгааг харуулж байна.
Харин УОК-ын өчигдөрийн хуралдаанаар цахим наадмыг хойшлуулах шийдвэр гаргаж Засгийн газарт хүргүүлсэн. Түүнчлэн УИХ дахь эмэгтэй гишүүд цахим наадмыг хойшлуулах, цуцлах санал хүргүүлсэн юм.
Засгийн газар өнөөдөр 09:00 цагаас ээлжит бусаар хуралдана.
