“Зуун жилийн яруу алдар, зузаан найрамдлын гэрч” цахим сурвалжлага тав дахь хоногтоо үргэлжилж байна. 

Монгол, Хятадын сэтгүүлчдийн хамтарсан цахим сурвалжлагын баг өчигдөр буюу 25-ны өдөр ӨМӨЗО-ны Ухай хотын Ханьсэнь дарсны хүрээлэнд зочиллоо. 

Ханьсэнь дарсны хүрээлэнг 2008 оны арванхоёрдугаар сард байгуулжээ. Хүрээлэнгийн нийт талбай 247 га, Европ хэв маягийн гоёмсог барилгуудтай. Дарсны хүрээлэн нь зөвхөн цөлийн өвөрмөц онцлог бүхий усан үзмийн мод тариалж, өндөр чанартай дарс үйлдвэрлэдэг. Үйлдвэрлэлээ тасралтгүй хөгжүүлсэний үр дүнд хөдөө аж ахуйн дарс үйлдвэрлэх чөлөөт орон зай болж, дарсны соёлыг аялал жуулчлал хэлбэрээр түгээн дэлгэрүүлсэн орчин үеийн соёлын салбарын өвөрмөц шинэ түшиц болжж чаджээ. Тиймээс 2011 онд “Хятадын AAA зэрэглэлийн аялал жуулчлалын бааз” хэмээн нэрлэгдсэн байна.

Мөн 2014 онд Өвөр Монголын Ханьсэнь усан үзмийн аж үйлдвэрийн судалгааны хүрээлэнг байгуулж, улсын зэрэглэлийн үзмийн дарсны мэргэжилтэн, улсын дарс шүүмжлэгч гишүүд, улсын зэрэглэлийн дарс амтлагч, хүнсний аюулгүй байдлын ахлах мэргэжилтэн, судлаачид багтсан 45 хүний бүрэлдэхүүнтэй технологийн инновацийн багтай болжээ.

Ханьсэнь технологийн инновацийн багийн судлан гаргасан Ханьсэнь цөлийн органик дарсыг дотоод, гадаадын мэргэжилтнүүд, дарс сонирхогч, хэрэглэгчид санал нэгтэйгээр хүлээн зөвшөөрсөн байна. Мөн Ази, Европ, Америк гурван тив, 12 улсад (Франц, Их Британи, Герман, Америк зэрэг) нийт 25 удаагийн олон улсын үзмийн дарсны мэргэжлийн тэмцээнүүдэд оролцож, 106 төрлийн шагнал хүртэж амжсан байна. Үзмийн дарсыг гурван сарын хугацаанд нэрж боловсруулдаг бөгөөд дараа нь тусгай зориулалтын торхонд гурван жил дарсны эцэст бүрэн амтыг олдог аж. 

Энэ жил БНХАУ-ын Коммунист нам байгуулагдсаны 100 жилийн ой тохиож буйтай холбогдуулан хоёр улсын хамтарсан сурвалжлагын баг Хятад, Монголын найрамдлын хэлхээ холбоо болон өмнөд хөрш улсын ядуурлаас гарсан туршлага, ажил хэрэгч хамтын ажиллагааг олон нийтэд таниулах зорилготой юм. Арга хэмжээ Зургаадугаар сарын 22-ноос 29-ны хооронд үргэлжилж байна.