"Зуун жилийн яруу алдар, зузаан найрамдлын гэрч" цахим сурвалжилга үргэлжилж байна.
Монгол, Хятадын хэвлэл мэдээллийн хамтарсан сурвалжлагын баг энэ сарын 25-ны өдөр ӨМӨЗО-ны Линь Хэ дүүргийн Ганжуур суурингийн Минь Жү тосгонд зочиллоо.
Бид Минь Жү тосгоны өөрчлөлт хөгжилтэй танилцсан юм.
Хавар нь цэцэг дэлгэрч, зун нь жимс ургаж, намар нь улаан лоолийн тансаг ургац хурааж, өвөл нь аялж зугаалах цэцэрлэгт хүрээлэнтэй Минь Жү тосгон өнөөдөр өвөрмөц онцлогтой аялал жуулчлал, орон нутгийн бүтээгдэхүүний үйлдвэрлэлийг идэвхтэй хөгжүүлж, жуулчид энэ тосгоныг зорин ирж жимс, хүнсний ногоог өөрийн гараар түүн худалдан авдаг болжээ.
Минь Жү тосгон олон төрлийн соёл, аялал жуулчлалын үйл ажиллагааг зохион байгуулж, жуулчдыг татан, орон нутгийн иргэдийн орлогыг нэмэгдүүлэх болсон байна. 2020 онд тус тосгоны нэг хүнд ногдох цэвэр орлого нь 27 мянга орчим юаньд хүрсний дээр "Улсын хамгийн үзэсгэлэнтэй тосгон", "Үндэсний ойн тосгон" зэрэг хүндэт нэрийг хүртэж байжээ.
