УОК-ын шийдвэрийг эсэргүүцсэн ААН-үүдийн тоо 30 гаруй боллоо.
Улсын Онцгой комиссын өчигдрийн хуралдаанаар халдвар тархах өндөр эрсдэл бүхий үйл ажиллагааны төрөл гэж үзэж бялдаржуулах төв, саун, бассейн, фитнесийн үйл ажиллагааг 10 хоног зогсоохоор болсон. Мөн бүх төрлийн ресторан, кофе шопуудын заалаар үйлчлэхийг хориглосон шийдвэрийг дахин 10 хоногоор сунгах шийдвэр гаргасан.
Уг шийдвэрийг эсэргүүцэж өнөөдөр ресторан, кофе шоп зэрэг үйлчилгээний байгууллагуудын зүгээс мэдэгдэл гарган халдвар хамгааллын дэглэмээ сайтар баримтлан цаашид үйл ажиллагаагаа хэвийн үргэлжлүүлэх болсноо цахим орчинд илэрхийлсээр байна.
Мөн аж ахуйн нэгжүүдийн эсэргүүцлийн акцыг нийгмийн сүлжээнд олон хүн дэмжиж байгаагаа илэрхийлсээр байна.
Түүнчлэн, үйл ажиллагаа нь зөвшөөрөгдсөн зарим ААН-үүд уг акцыг дэмжиж, зоригтой мэдэгдэл гаргалаа.
Үүний анхдагч нь “Alphabook” номын дэлгүүр байлаа. Тэд дараах байгууллагаар үйлчлүүлсэн бүх үйлчлүүлэгчдэд 10 хувийн хөнгөлөлт олгохоор болсноо цахим хуудастаа мэдэгджээ.
- Takeson Miso Ramen
- ZOMA Kitchen & Bar
- Unico Bubble Tea
- Vinyl Music Lounge
- The Coffee house Mongolia
- 67 bar & restaurant
- ASIAN Food Lounge
- MR PORK barbecue & grill
- World Gym Fitness Center
- A&G Entertainment
- CHILI Shabu Shabu & Sushi /Shangri-La Mall/
- Champ Fitness
- Asiana Buddha Vista
- Asiana Central Restaurant Ulaanbaatar
- GRAND Zaisan HILL
- Cosy Club Ulaanbaatar
- Five Up Restaurant
- Singin' Lounge n Karaoke
- Mazzy Lounge Ulaanbaatar
- Ikh Tenger club house
- Maxler fitness
- MODE Garden Bar
- Simple 100
- Route 22 Restaurant & Wine Lounge
- Taous Restobar-Lounge
- Tuul Garden
- Triple event hall
- Republik
- AMAR Sport camp
- TOM N TOMS - Багшийн Дээд Салбар
- Omma Korean Restaurant - зэрэг хязгаарлалтыг эсэргүүцсэн аж ахуй нэгжүүд нэмэгдсээр байна.
Дашрамд, халдварын тархалттай холбоотойгоор бүтэн жил гаруйн хугацаанд нийт долоон удаагийн хатуу хөл хориог тогтоосон. Тухай бүрд төрийн байгууллагууд гэрээс ажиллаж, цалингаа бүтэн авах зохицуулалттай байсан. Энэ олон удаа хатуу хөл хорионд хувиараа бизнес эрхлэгч, байгууллагынхан хүнд нөхцөлд орж, хаалгаа барихад хүрээд байгаа билээ.
