Өнгөрсөн хоногт коронавирусийн халдвар илрүүлэх зорилгоор 11,765 шинжилгээ хийх явцад 2231 хүнээс халдвар илэрлээ. Ингээд нийт халдварын тоо улсын хэмжээнд 98,050 болж байна.

Мөн хугацаанд ковидын нэн хүнд хэлбэрээр 55-83 насны 12 хүн нас барлаа. Ийнхүү Монгол улсад коронавируст халдварын шалтгаант нас баралт 459 болоод байна.

УОК-ын Эрдэмтдийн зөвлөлийн гишүүн, доктор Т.Бэгзсүрэн Эрдэмтдийн зөвлөлийн тооцооллын талаар мэдээлэл өглөө. 

Тэрээр "Долдугаар сарын 1-нээс хөл хорио тогтоох саналыг гаргасан. Одоогийн нөхцөл байдалд тулгуурлан тооцоолоход хөл хорих нь зүйтэй гэж үзэн зөвлөмж боловсруулж, хүргүүлсэн. Өмнөх удаад Кургаадугаар сарын 15-наас өдөрт бүртгэгдэх тохиолдлын тоо буурна гэж тооцоолсон ч хөл хөдөлгөөн их байсны улмаас тооцоололд хүрээгүй. Гэхдээ 18-наас эхлээд буурч байгаа нь ажиглагдаж байна. 

Ирэх саруудад тархалт тогтвортой буурна, гэхдээ хөл хорио тогтоовол илүү эрчимтэйгээр буурах тооцоолол байгаа. Эрдэмтдийн зөвлөл эрүүл мэнд талыг илүү барьж тооцооллоо хийж байна. Энэ хэвээр үргэлжилсээр байвал долдугаар сарын 1-нээс эмнэлгийн ачаалал оргилдоо хүрэх магадлалтай" гэв.