Олимпын аварга Н.Түвшинбаяр багын найз Улсын начин Э.Энхбатын биед хүнд гэмтэл учиртал зодсон хэрэг Дөрөвдүгээр сарын 2-ны өдөр гарч, нийгмийн цочроосон билээ. 

Улсын өсөх идэр начин Э.Энхбат тархиндаа хүнд гэмтэл авч, ГССҮТ-ийн Эрчимт эмчилгээний тасагт олон хоног ухаангүй хэвтсэн. Түүнд эмч нар хоёр ч удаа унтуулга хийж, бие нь дээрдэхгүй байсаар БНСУ-ыг эхнэр, дүүгийн хамт зорьсон юм.

Тэгвэл Э.Энхбат начны биеийн байдал дээрдэж, юм түшиж алхдаг, ярьдаг болсон гэх мэдээлэл цахим орчинд гараад байна.

Харин энэхүү мэдээллийг түүний ар гэрийнхэн "Цахим орчинд Э.Энхбат юм түшиж алхаж, ярьж хэлэх нь хэвийн болсон гэх худал мэдээллүүд цацагдаж байна. Юм түшиж алхаж байгаа гэдэг худал" хэмээн няцаалаа. 

Э.Энхбат начин ухаан орсон ч одоогоор хөл, гараа санаснаараа хөдөлгөж чадахгүй, хэвтрийн дэглэм сахиж байгаа юм байна.

Тэгвэл, өнгөрөгч Тавдугаар сарын 20-ны өдөр суллагдсан Н.Түвшинбаяр Булган аймагт бөхийн бэлтгэлдээ гарсан байгаа аж.