Өнгөрсөн хоногт шинээр 2642 хүнээс халдвар бүртгэгдэж, эийт халдварын тоо улсын хэмжээнд 85,770 боллоо. Мөн хугацаанд 11 иргэн коронавируст халдварын хүндрэлээр нар барлаа.
УИХ-ын чуулганы өнөөдрийн хуралдаанаар "Монгол Улсын хөгжлийн 2022 оны төлөвлөгөө батлах тухай" УИХ-ын тогтоолын төслийг хэлэлцэх үеэр УИХ-ын гишүүн Д.Ганбат цар тахлын нөхцөл байдлыг тодрууллаа.
Түүний асуултад Эрүүл мэндийн сайд С.Энхболд хариулав.
Тэрээр "Сүүлийн үед хөл хөдөлгөөн ихэссэнтэй холбоотойгоор халдварын тархалт нэмэгдэж байна. Өнөөдөр нас барсан 11 хүний ес нь вакцинд хамрагдаагүй байсан. Нэг хүн нь II тундаа хамрагдаад 14 хоногоос дээш болоогүй, нэг нь I тунг хийлгэсэн байсан. Нас барсан иргэдийн дийлэнх нь хавсарсан суурь өвчтэй байна. Эдгээр хүний суурь өвчин давамгайлж, дээрээс нь халдвар авснаар хоёр уушгины хатгаа нэмэгдэж, амьсгалын болон олон эрхтний дутагдал зэргээр хүндэрч, маш хурдан эрчимт эмчилгээний тасагт шилжиж байна" гэлээ.