Өнгөрсөн хоногт улсын хэмжээнд 2386 хүнээс халдвар илэрч, нийт халдварын тоо 80,733 боллоо. харин мөн хугацаанд 11 иргэн нас барж, нийт нас барсан иргэдийн тоо 380 болоод байна.
Нийт коронавируст халдвараар өвчилж байгаа хүмүүсийн 80 хувь нь хөнгөн ангилалд багтаж байгаа аж.
Хөнгөн ангилалд орсон байгаа иргэдийн хэрхэн эмчлэх талаар ЭМЯ-ны Эмнэлгийн тусламжийн бодлого, хэрэгжилтийг зохицуулах газрын дарга Б.Буянтогтох мэдээлэл өглөө.
Тэрээр "Улаанбаатар хотын хэмжээнд 5000 гаруй ор дэлгэсэн байгаа. Бид эмнэлгийн бус орчинд ор дэлгэхээс илүүтэй эмнэлгийн орны менежмент эргэлтийг сайжруулах нь илүү үр дүнтэй гэж үзэж байгаа. Мөн өнөөдрөөс 119 платформыг өргөжүүлж, цахимаар зөвлөгөө өгөх боломжтой болсон байна. Түүнчлэн, нийслэлд явуулын амбулаториудыг ажиллуулж эхэлж байна. Ингээд иргэдэд өгөх зөвлөмжийг ойртуулж, гэрээр эмчлэх бодлого баримтлана. Харин эмнэлгийн орчинд дэлгэсэн 5300 орон дээрээ зайлшгүй эмнэлэгт хэвтэн эмчлүүлэх шаардлагатай хүмүүсээ авах юм.
Эмнэлгийн бус орчинд дэлгэсэн ор тухайлбал, бэлэн байдлыг нь хангаад байгаа Буян-Ухаа спортын ордон дахь орнуудыг аль болох ашиглахгүй байхыг зорино" гэв.