Улсын драмын эрдмийн театрын жүжигчин, Уран бүтээлийн хэлтсийн дарга С.Болд-Эрдэнэ МУГЖ цол хүртээлээ.

Тэрээр 1995-1999 онд СУИС-д жүжигчний мэргэжлээр суралцаж төгссөн бөгөөд 2013 онд доктор, профессор С.Сугарын удирдлагад магистрын зэрэг хамгаалжээ. 2000 оноос УДЭТ-ын жүжигчнээр ажиллаж байгаад 2019 оноос одоог хүртэл Уран бүтээлийн хэлтсийн даргаар ажиллаж байна.

Мөн С.Болд-Эрдэнэ, Г.Эрдэнэбилэг, Г.Амгаланбаатар, Н.Наранбаатар тэргүүтэй уран бүтээлчид хамтран "Драмын дөрөв" хэмээх хамтлаг байгуулан дуулж, олны талархлыг хүлээж байв.

Түүний бүтээсэн дүрүүд:

• Парисын дарь эхийн сүм (2009) Квазимодо

• Шар тэнгисийн тарчлаан (2009) - Зайгуулынхан

• Би ч гэсэн жаргамаар байна (2010) - Нөхөр

• Оролмаа (2011) - Сандагдорж

• Ану хатан (2011) - Галдмаа баатар

• Цэцэрлэгт учирсан хоёр (2012) - Фёдор Кузмыч

• Гамлет (2013) - Гамлет

• Кихот ноён (2013) - Гахайчин

• Норовын намтар (2013) - Захирал

• Ромео Жульетта (2016) - Лоренцо лам

• Царцаа намжил (2017) - Номын багш

• Фауст (2018) - Фауст

• Бүсгүйн зурвас (2019) - Архай сайд

• Анна Каренина (2020) - Левин гэх мэт олон дүр бүтээжээ.