Олимпын аварга, МҮОХ-ны Ерөнхийлөгч Н.Түвшинбаяр багын найз Улсын начин Э.Энхбатын биед хүнд гэмтэл учиртал зодсон хэрэг Дөвөрдүгээр сарын 2-ны өдөр гарсан билээ.

Улмаар тархиндаа хүнд гэмтэл авсан Улсын начин Э.Энхбат ухаан оролгүй байсаар БНСУ руу тусгай үүргийн нислэгээр эмчилгээнд явсан. Нэг сарын турш БНСУ-д хэвтэн эмчлүүлсний дараа тэрээр ухаан оржээ.

Одоогийн байдлаар хүний яриаг ойлгож буйгаа илэрхийлсэн хариу үйлдэл хийх чадвартай болсон гэдгийг эх сурвалж хэллээ.

Хэргийг сануулбал, Олимпын аварга, МҮОХ-ны Ерөнхийлөгч Н.Түвшинбаяр энэ оны Дөрөвдүгээр сарын 2-ны өдөр согтууруулах ундааны зүйл хэрэглэсэн үедээ өөрийн багын найз Э.Энхбатыг тодорхойгүй шалтгаанаар зодож, гавлын ясны үргэлжилсэн хугарал бүхий хүнд гэмтэл санаатай учруулсан. Уг үйлдлийнх төлөө Хан-Уул дүүргийн Эрүүгийн хэргийн анхан шатны шүүхээс Н.Түвшинбаярыг ШШГЕГ-ын харъяа 407 дугаар хорих ангид 30 хоног цагдан хорихоор шийдвэрлэсэн бөгөөд улмаар уг шийдвэрээ 15 хоногоор сунгаад байгаа юм.

Н.Түвшинбаярыг цагдан хорих хугацаа маргааш дуусна.

Эх сурвалжын мэдээлж буйгаар Олимпын аварга Н.Түвшинбаярыг маргаашаас суллаж, гадуур байцаахаар болсон байна.