УИХ-ын гишүүн Б.Пүрэвдорж өнгөрсөн долоо хоногт зам тээврийн осол гаргаж, ГССҮТ-д хүргэгдсэн билээ. Тухайн үед ганцаараа автомашинаар зорчиж явсан бөгөөд түүний биеийн байдал сайжирч байгаа бололтой.
Тэрээр өнөөдөр өөрийн сошил хуудаснаа буруугаа хүлээж, ард иргэдээсээ уучлалт хүслээ.
УИХ-ын гишүүн Б.Пүрэвдорж "Би хариуцлагүй үйлдэл хийж зам тээврийн осол гаргасандаа иргэдээсээ уучлал гуйж байна. Хашлага саад гэмтээсний төлбөр төлж, жолоодох эрхээ хасуулж, торгууллаа. Мөн машины торгуулиа бүгдийг төлсөн. Цагдаа, эмч, онцгойнхонд баярлалаа. Одоогоор бие жаахан тийм тул эмчийн хяналтад байгаа. Дахиж ийм үйлдэл хийхгүй" гэсэн байна.
