Нийслэлд тогтоосон хатуу хөл хорионы дэглэмийг Тавдугаар сарын 8-ны өглөөний 06:00 цаг хүртэл сунгаад буй.
Үүнтэй холбогдуулан УОК-оос үйл ажиллагааг хязгаарлаагүй байгууллагуудыг авто машинаар замын хөдөлгөөнд QR кодоор ороцуулах тухай тушаал гаргасан билээ.
QR код олгох асуудлаар Ажлын хэсгийн ахлагч Хууль зүйн сайд Х.Нямбаатар мэдээлэл хийлээ.
Тэрээр "Нийт 41593 тээврийн хэрэгсэл замын хөдөлгөөнд оролцохоор шивэлт хийгдлээ. Журмаа одоо УОК-д танилцуулна. УОК 18 цагаас хуралдаж, эцсийн шийдвэрийг гаргана. Үйл ажиллагааг хязгаарлахгүй салбаруудад QR кодыг олгоно. Үйл ажиллагаа нь хязгаарлахгүй байгууллагуудад системд буй тээврийн хэрэгслийн мэдээлэлд үндэслэн QR код олгоно. Өөрөөр хэлбэл өвөл мэдээллийн санд мэдээллээ нийлүүлсэн байгууллагууд автомашиныхаа дугаарыг системд оруулан хүсэлт явуулахад шинэ QR олгогдоно. Яаралтай түргэн тусламжийн төвийг хөл хорионы үеэр бүх хүчин чадлаар нь ажиллуулна. Төрийн байгууллагуудаас зөвхөн төрийн тусгай чиг үүрэгтэй байгууллагууд үйл ажиллагаагаа хэрэгжүүлнэ. QR кодыг хоёр янзаар хадгална.
-
14 хоногийн турш үйлчлэх код,
-
1 удаагийн код.
QR кодтой албан хаагчид зөвхөн 07:00-09:00 17:00-20:00 цагийн хооронд хөдөлгөөнд оролцоно.
Үүнд, Эрчим хүч, дулаан, инженерийн хангамж, ариутгал, хот нийтийн аж ахуйд хааарахгүй. Мөн хүнс үйлдвэрлэл, түгээлтийг аймаг, нийслэлийн захирамжаар тогтоосон горимоор зөвшөөрнө.
Хязгаарлалтад хамаарахгүй байгууллагын ажилтан албан хаагчид хөдөлгөөнд оролцохдоо ажлын үнэмлэхтэй байх бөгөөд ажилдаа явахдаа ирэх очих маршрут мөрдөж QR код бүхий зөвшөөрөлтэй байна.
QR@GOV.mn цахим хаягаар хүсэлтийг хүлээн авна.
Ингэхдээ:
-
Хөдөлгөөнд оролцох хугацаа;
-
Тээврийн хэрэгслийн улсын бүртгэлийн дугаар;
-
Үйл ажиллагаа явуулах тусгай зөвшөөрлийн хуулбар;
-
Ажилтан, албан хаагчдын регистрын дугаар шаардана.
Үндсэндээ төрийн тусгай чиг үүрэгтэй байгууллагын алба хаагчид, тухайн байгууллагын тээврийн хэрэгслүүд замын хөдөлгөөнд оролцоно. Төрийн захиргааны байгууллагууд, нутгийн захиргааны байгууллагууд ирэх 14 хоногийн хугацаанд тэг зогсолт хийх хэмжээнд хөдөлгөөнийг хязгаарлалт хийх шийдвэр гарсан" гэлээ.
Мөн хувь хүмүүст QR код олгохгүй. Цагдаагийн алба хаагчид QR кодыг газар дээр нь хүчингүй болгох боломжтой болно. Түүнчлэн, нийтийн тээвэр мөн адил дээрх цагийн хязгаарлалтын дагуу явах бөгөөд байгууллагууд уг цагийн хязгаарлалтад тохируулж үйл ажиллагаагаа зохицуулах ёстой гэлээ.
Үйл ажиллагааг хязгаарлаагүй байгууллагын жагсаалт
| д/д |
Төрийн байгууллага, хуулийн этгээд |
|---|---|
| 1 |
Хууль тогтоох, төрийн захиргааны байгууллага, төрийн болон нутгийн өөрөө удирдах байгууллага, шүүх прокурор |
| 2 |
Эрүүл мэнд, эмийн сан, эм, эмнэлгийн хэрэгсэл ханган нийлүүлэх байгууллага |
| 3 |
Тусгайлсан чиг үүрэг бүхий байгууллагууд (онцгой байдал, байгаль хамгаалах гааль, мэргэжлийн хяналт, зэвсэгт хүчин бусад цэрэг, тусгай алба, цагдаа, шүүхийн шийдвэр гуйцэтгэх, татвар, нийтийн тээврийн үйлчилгээ, зэвсэгт хүчин, хил хамгаалах, ШӨХТГ, дотоодын цэрэг, ЦУОШГ) |
| 4 |
СОнгуулийн ерөнхий хороо, Буянт-Ухаа Олон улсын нисэх буудал, “МИАТ” ТӨХК |
| 5 |
Эрчим хүч, дулаан, инженерийн хангамж, усан хангамж, ариутгал, нийтийн аж ахуй \ажлын тусгай горимоор\ |
| 6 |
Шуудан харилцаа холбоо |
| 7 |
Шатахуун түлшний үйлдвэрлэл, хангамж, нийлүүлэлт, түгээлт, тусгай зөвшөөрөл бүхий байгууллагын түлшний тээвэрлэлт, худалдаа |
| 8 |
Геологи, хайгуул, уул уурхай, газрын тосны олборлолт |
| 9 |
хүүхэд хамгааллын үйлчилгээ, асрамж, халамж, түр хамгаалах байр, Монголын улаан загалмай нийгэмлэг |
| 11 |
Цахим банк автомат тооцооны машин |
| 13 |
Хэвлэл мэдээлэл (хязгаартай), харилцаа холбоо, шуудан илгээмж |
| 14 |
Ариутгал, халдваргүйжүүлэлт, хог хаягдлын цэвэрлэгээ, ачилт, цуглуулалт, тээвэрлэлт |
| 15 |
Оршуулгын үйл ажиллагаа |
| 16 |
Газар тариалан мал амьтны өвс, тэжээлийн түгээлт, тээвэрлэлт |
