Хөвсгөл аймгийн Тосонцэнгэл сумын Тээл багийн “Тэгш булан” гэдэг газар Сэлэнгэ мөрөнд осолдсон долоон хүний дөрвийнх нь цогцсыг олж цагдаагийн байгууллагад хүлээлгэн өгчээ.

Уг харамсалтай хэрэг энэ сарын 21-ний өдөр болсон гарсан.

Усанд осолдсон тухай дуудлагаар Хөвсгөл, Орхон, Булган  аймгийн Онцгой байдлын газрын Эрэн хайх, аврах салбарын алба хаагчид уснаас эрэн хайх ажиллагааг хээрийн штаб байгуулан, 8 бүлэгт хуваагдан зохион байгуулалттай ажиллаж байна. 

Осолдсон иргэдийн завийг анх осолдсон газраас зүүн зүгт 200 метрээс олж уснаас гаргасан байна. Сэлэнгэ голын өргөн 133 метр, 2-3.5 гүн, булингар ихтэй байна. Эрлийн бүлэг голд осолдсон найм, 32 настай хоёр эмэгтэй, 50 настай нэг эрэгтэйн цогцсыг эрэн хайх ажиллагааг зохион байгуулан ажиллаж байна гэж Онцгой байдлын ерөнхий газраас мэдээллээ. 

Осолдсон иргэдийн мэдээлэл:

• Т /Тосонцэнгэл сумын харьяат, 62 настай, эрэгтэй/,

• Т /Тосонцэнгэл сумын харьяат, 50 настай, эрэгтэй/,

• Г /Шинэ-Идэр сумын харьяат, 50 настай, эрэгтэй/,

• У/Улаанбаатар хотын Хан-Уул дүүргийн харьяат, 38 настай, эмэгтэй/,

• У /Рашаант сумын харьяат, 32 настай, эмэгтэй/,

• Б /Улаанбаатар хотын Хан-Уул дүүргийн харьяат, 8 настай, эмэгтэй/,

• А /Рашаант сумын харьяат, 5 сартай, эмэгтэй/.