Боловсрол, шинжлэх ухааны сайд Л.Энх-Амгалан Оюутны тэтгэлгийн санг нээлттэй байх зарчмыг баримталж, гадаад дотоодын их, дээд сургуульд суралцагчдад олгодог зээлийн мэдээллийг ил тод болгохоо илэрхийлээд байгаа.

Гэвч салбарын сайдад гадаадын тэтгэлэгт хөтөлбөрт хамруулж өгөхийн тулд авлига авдаг талаар иргэнээс гомдол ирсэн байна.

Тэгвэл энэ талаар сайд Л.Энх-Амгалан “10,000 доллар өгвөл би гадаадын тэтгэлэгт оруулаад өгнө гэж хэлдэг юм байна. Ийм асуудал байгаа бол тэр хүний овог нэр, албан тушаал хаягийг надад хэлээрэй, өргөдлөө надад хаяглаж явуулаарай. Ийм хүн манай яаманд ажиллаж байгаа бол явуулна. Авилгатай тэмцэх газраар шалгуулна. Боловсролын салбарт байгаа авилгыг энэ мэтчилэн арилгахгүй бол сонсож, дуулаагүй их юм байдаг бололтой” гэсэн байна.

Дашрамд, Манай улс гадаадад суралцаж байгаа оюутнууддаа нийт 3 төрлийн зээл олгодог бөгөөд 2010-2020 онд дэлхийн шилдэг их дээд сургуульд тэнцсэн 420,000 оюутанд зээл олгосон байна. Улсын төсвөөс уг зээлд нийт 880 тэрбум төгрөгийг зарцуулжээ.