ХӨСҮТ-өөс коронавируст халдварыг илрүүлэхээр сүүлийн нэг хоногт улсын хэмжээнд хийсэн шинжилгээний хариуг танилцууллаа.
ХӨСҮТ-ийн дэд захирал Э.Тэмүүлэн:
-"Сүүлийн хоногт 9410 хүнд коронавирусийн халдвар илрүүлэх шинжилгээний хийснээс 122 хүнээс халдвар илэрч, нийт халдварын тоо 4082 боллоо.
Нурсултан-Улаанбаатарын онгоцоор ирсэн зорчигчдоос зөөвөрлөгдсөн нэг тохиолдол бүртгэгдэж, нийт зөөвөрлөгдсөн тохиолдол 424 боллоо.
Шинээр батлагдсан 122 тохиолдлын 116 нь халдвартай хүмүүсийн ойрын хавьтлууд байна. Таван хүний халдварын эх уурхайг тогтоохоор ажиллаж байна. Халдварын эх уурхайг нь тогтоож байгаа хүмүүсийн байршил:
- ХУД-ийн 20 дугаар хороо,
- БГД-ийн 4, 16 дугаар хороо
Сүүлийн хоногт 30 хүн эмчлэгдэн эмнэлгээс гарснаар нийт эдгэрсэн хүний тоо 3031 боллоо.
Өнөөдрийн байдлаар нийт 973 хүн эмчлүүлж байгаагаас биеийн байдал нь хөнгөн 900 хүндэвтэр 65, хүнд 6 , маш хүнд 2 хүн байна" гэв.
Дотоодод бүртгэгдсэн халдварын тохиолдол нийт 3,551 /2021.03.15/
- Улаанбаатар-3,203 /сүүлийн 24 цагт 118 тохиолдол нэмэгдэв/
- Завхан-6 /Шилүүстэй суманд 2 тохиолдол нэмэгдэв/
- Архангай-3
- Орхон-25
- Төв аймаг-16 /Зуунмод суманд 1 тохиолдол нэмэгдэв/
- Сэлэнгэ аймаг-217
- Дархан-Уул-45
- Говьсүмбэр-4
- Дорноговь аймаг-32 байна.
