УИХ-ын дарга Г.Занданшатар өөрийн фэйсбүүк хуудсаар дамжуулан вакцинтай холбоотой байр сууриа илэрхийлжээ.
Тэрээр "COVID-ийн эсрэг ямар вакцин хийлгэвэл зүгээр вэ гэж хүмүүс асууж байна. Миний хувьд хоёр хөршийнхөө вакцины аль нэгийг сонгоно гэж бодож байгаа. Одоогоор вакцинд хамрагдаагүй, ээлж дарааллаа хүлээж байна. Ер нь аль ч вакцин коронавирусийн ерөндөг болж чадна. Гэхдээ байгаль, цаг агаар, аж байдлын ойр төстэй талаасаа бол ОХУ, БНХАУ-ын вакцин манайд илүү үр нөлөөтэй байж магадгүй" гэжээ.
Манай улс Хоёрдугаар сарын 23-наас дархлаажуулалтын ажлыг эхэлсэн бөгөөд өнөөдрөөс вакцинжуулалтын ажлыг эрчимжүүлж 85 цэгт өдөрт 15000-20000 хүн дархлаажуулхаар ажиллаж байна.
