Засгийн газрын ээлжит хуралдаан өнөөдөр болж ЕБС-ын танхимын хичээлийг эхлүүлэх товын талаар хэлэлцлээ. 

Хуралдаанаар аймаг, сум, тосгон, баг дахь Ерөнхий боловсролын сургууль, цэцэрлэг, хүүхэд харах төвийн хичээлийг 2021 оны Гуравдугаар сарын 1-ний өдрөөс эхлүүлэхээр боллоо.

Тодруулбал, танхимын сургалтыг зөвхөн хоцрогдол арилгах чиглэлээр хэсэгчилсэн байдлаар явуулна.

Харин хүүхэд, эцэг, эх, асран хамгаалагч нь танхим, теле болон цахим сургалтын алинд нь хамрагдахаа өөрсдөө сонгоно. 

Орон нутаг дахь их, дээд сургууль, коллеж, Мэргэжлийн сургалт, үйлдвэрлэлийн төв хичээллэхгүй.

Боловсрол, шинжлэх ухааны яамнаас Нийслэлийн Ерөнхий боловсролын сургуулийн хичээлийг 2021 оны Гуравдугаар сарын 10-ны өдрөөс, Цэцэрлэг, хүүхэд харах төв, их, дээд сургууль, коллеж, Мэргэжлийн сургалт, үйлдвэрлэлийн төвийн хичээлийг 2021 оны Дөрөвдүгээр сарын 1-ний өдрөөс эхлэхээр бэлтгэлээ хангасан байна.

Монгол улсын хэмжээнд дархлаажуулалт эхэлсэн ч цар тахлын аюул ард хоцорсон гэсэн үг биш гэв.

Иймээс хатуу хөл хорио тогтоосон 12 хоногт голомтыг хумьж, тархалтыг зогсоох чиглэлээр хийсэн ажил болон “Нэг хаалга-Нэг шинжилгээ”-ний үр дүнг бататгах, эрсдэлээс сэргийлэх, халдварын нөхцөл байдал зэргийг харгалзан тухай бүрт нь шийдвэрлэхээр боллоо.