Улсын Онцной комиссоос коронавируст халдварын нөхцөл байдлын талаар болон вакцинжуулалтын талаар мэдээлэл өглөө. 

Та бүхэнд мэдээллийн товчлон хүргэж байна. 

Улсын Онцной комиссын Хэвлэлийн төлөөлөгч Ц.Ганзориг: 

• Хоёрдугаар сарын 23-наас ниргэд энгийн амьдрал руугаа шилжих гэж байна.Иргэдээс гуравхан дүрмийг шаардана. Энэ нь зай барих, гараа ариутгах, амны хаалт зүүх юм.

• ААН, төр илүү үүрэг хүлээж ажиллана. Эдийн засгаа суллаж чөлөөлж байгаа учраас үзвэр үйлчилгээ, үйлдвэрийн газруудыг нээхээр болсон.

• Хөл хорио сулруулсан үеэс PCR шинжилгээний бичиг шаардахгүй. 

• Вакцин: AstraZeneca вакцин эхний ээлжид орж ирнэ. Дараа нь Pfizer мөн орж ирнэ. ДЭМБ-аас зөвшөөрөгдсөн хоёр вакцин шат дараатайгаар ирнэ гэсэн үг.. Дэлхийн 87 орон дархлаажуулалтаа эхэлсэн байна. Үүнээс 41 улс нь бидний хэрэглэх гэж буй Английн Оксфордын их сургуулийн бүтээсэн AstraZeneca вакциныг хэрэглэж байна. Манай улс эхний ээлжид энэ вакцинаар эмнэлгийн байгууллагын ажилтнууд болон нүүрс тээврийн жолооч нарыг дархлаажуулна.

• Манай улс коронавирусийн эсрэг дархлаажуулалтыг үнэ төлбөргүй хийнэ. 

• Тодруулга: Дотоодын ААН-үүд болон төрийн байгууллагууд заавал коронавирусийн эсрэг вакцин хийлгэсэн хүнд үйлчилнэ гэсэн Засгийн газрын, УОК-ын шийдвэр гараагүй, энэ асуудлыг хэлэлцээгүй.

• Олон улсын мэдээллийг харвал авиа компаниуд агаарын тээврээр үйлчилгээ үзүүлэхдээ коронавирусийн эсрэг вакцин хийлгэсэн сертификатыг үзэж, нэвтрүүлэх дүрэм журмыг гаргасан байгаа.

• Хувийн хэвшлийнхэн коронавирусийн эсрэг вакцин оруулж ирж хийвэл зах зээлийн журмаараа явна.

Өнөөдөр 14:00 цагаас УОК хуралдаж эхэлсэн бөгөөд хуралдаанаар гамшгийн зэрэглэлийг бууруулах асуудлыг хэлэлцэж дагаж, мөрдөх түр журмыг тодорхой болгоно. Өнөөдөр 16:00 цагт хурлаас гарсан шийдвэрийг танилцуулна. Энэ журам нь олон нийтэд гэхээсээ илүү ААН-үүдэд гарын авлага болох юм байна.