Хөдөлмөр, нийгмийн хамгааллын сайд А.Ариунзаяа өөрийн цахим хуудаснаа Хаврын чуулганаар Төрөөс тэтгэврийн шинэчлэлийн талаар баримтлах бодлого батлах тухай хуулийн хүрээнд багц хууль батлуулахаар Хөдөлмөр нийгмийн хамгааллын яам ажиллаж байгаа талаар мэдээлжээ.
Эхний ээлжид дөрвөн хуулийн үзэл баримтлалыг боловсруулж дууссан бөгөөд одоо нэг хууль үлдсэн байна. Тус яамны зүгээс тогтолцооны шинэтгэлд анхаарлаа илүүтэй хандуулан ажиллаж байна.
Нийгмийн даатгалын тогтолцооны шинэчлэлээс онцолбол:
-
Олон давхаргат тэтгэврийн тогтолцоог нэвтрүүлнэ
-
Нийгмийн даатгалын засаглал, хөрөнгө оруулалтын тогтолцоог сайжруулна
-
Ажил олгогч, даатгуулагч болон улсын төсөвт ээлтэй шимтгэлийн тогтолцоотой болно
-
Нийгмийн даатгалын үйлчилгээг бүрэн цахимжуулна
-
Тэтгэвэр өвлөгдөнө
-
Тэтгэмжийг нэг сангаас олгоно
-
Хүн бүрийг нийгмийн даатгалд хамруулна
Сайд А.Ариунзаяа "Нийгмийн даатгал, тэр дотроо тэтгэврийн тогтолцооны шинэтгэлийн талаар товч мэдээлэл хүргэе.
2030 он хүртэл Төрөөс тэтгэврийн шинэчлэлийн талаар баримтлах бодлого батлах тухай хуулийг 2015 онд баталсан байдаг. Түүний дагуу Монгол Улс олон давхаргат тогтолцоонд шилжинэ.
https://www.legalinfo.mn/annex/details/6790?lawid=11108
Хаврын Чуулганаар багц хууль батлуулахаар ажиллаж байгаа бөгөөд эхний ээлжинд 4 хуулийн үзэл баримтлал боловсруулж дууссан. Одоо нэг хууль үлдсэн.
Процессын хувьд тодорхой шат дараалалтай явагддаг. Тухай бүр мэдээлэл өгөх болно.
Тэтгэврийн шимтгэлийн хувьд яг одоо ажил олгогч, ажилтан тус бүр 8.5 хувийг 07 сарын 01 хүртэл төлнө. 2017 онд ОУВС-ийн хөтөлбөрт нэгдэхдээ тэтгэврийн шимтгэлийн 2020 онд ажилтан, ажил олгогч нийлээд 19 хувьд хүргэх болсон нь 2007 оны түвшинд буцаан авчирсан хэрэг. Цар тахалын үед Засгийн газрын зүгээр 2020 оны 04 сараас эхлэн хөнгөлөлт, чөлөөлөлтийн бодлого хэрэгжүүлж ирсэн. Цаашид нөхцөл байдал дээрдэхгүй бол энэхүү бодлого мэдээж үргэлжилнэ.
Бидний хувьд харин Тогтолцооны шинэтгэлд анхаарлаа илүүтэй хандуулан ажиллаж байна" гэсэн байна.
Дашрамд, Долоодугаар сарын 1-ний өдрөөс хойш хувийн хэвшил, төрийн гээд бүх ААН Нийгмийн даатгалд 26 хувийн шимтгэл төлнө.
Сэтгэгдэл (3)