МХЕГ-н даргын баталсан урьдчилан сэргийлэх удирдамжийн хүрээнд Чингэлтэй дүүргийн 10-р хорооны нутаг дэвсгэрт иргэн Ц нь буфет, хоол үйлдвэрлэлийн газарт хийж зарах, шарсан зайдас, соустай чихэрлэг тахиаг хийж шошго наан худалдааны төвүүдэд нийлүүлж буй зөрчлийг илрүүлэн шалгалаа.

Шалгалтаар дараах зөрчлүүд илэрчээ. 

• Ажиллагсдын хувцасны өрөөгүй ажлын хувцсаар хангаагүй,

• Гар угаах цэггүй,

• Ариутгалын бодисоор хангагдаагүй,

• Ажиллагсад нь эрүүл мэндийн урьдчилан сэргийлэх үзлэг шинжилгээнд хамрагдаагүй,

• Ажлын байрны өдөр тутмын угаалга, цэвэрлэгээ маш муу,

• Ариутгал халдваргүйтгэл хийгдээгүй, 

• Хүнс, түүхий эдийг газраар өрж шууд хэрэглэх хүнсийг цаасан хайрцаганд ил хийж тавьсан нь дам бохирдол үүсэх нөхцөл бүрдүүлсэн,

• Түүхий эд бүтээгдэхүүнийг хадгалах хөргөх, хөлдөөх тоног төхөөрөмжөөр бүрэн хангаагүй,

• Эрүүл ахуйн шаардлага хангахгүй орчинд үйл ажиллагаа явуулсан,

• Хүнсний зориулалтын сав, баглаа боодол хэрэглэдэггүй,

• Түүхий эд, хүнсний бүтээгдэхүүний гарал үүсэл, чанар, аюулгүй байдлын гэрчилгээ, шинжилгээний дүн, шаардлагатай бол бэлтгэн нийлүүлэгчтэй хийсэн гэрээ зэргийг бүрдүүлээгүй,

• Тосыг солихгүй маш олон удаа чанасан, хаяг шошгын зөрчил илэрсэн байна. 

Иймд илэрсэн зөрчилд Зөрчлийн тухай хуулиар торгуулийн шийтгэл ногдуулж үйл ажиллагааг зогсоолоо.