Бүх нийтийн бэлэн байдлын зэрэгт шилжиж, хөл хорио тогтоосон хугацаанд иргэнд зөвшөөрөх үйл ажиллагааны жагсаалтыг танилцууллаа.

Онцолбол, хөл хорионы үеэр зайлшгүй ажиллах шаардлагатай 10 салбарын ажилтнууд л нийтийн тээврээр үйлчлүүлэх болон хувийн машинаараа зорчиж болно. 

Нийтийн тээвэрт цөөн тооны иргэд зорчих бөгөөд хөл хорионы үеэр бусад иргэдэд нийтийн тээвэр үйлчлэхгүй. Иргэд гэрээс гарахгүй байх зарчим баримтална. 

Нийтийн тээвэрт Зөвхөн цонхон талд суухыг зөвшөөрнө. Амны хаалт, бээлий заавал өмссөн байхыг шаардана. Жолооч, хянагчид үүнд хяналт тавина.

Зайлшгүй ажиллах шаардлагатай 10 салбар:

• Эмнэлгийн зайлшгүй тусламж, эмийн сангийн үйлчилгээ;

• Зөөврийн ус, түлш худалдан авах;

• Хүнс, хэрэглээний бараа худалдан авах;

• Оршуулга буюу буяны үйл ажиллагааг зөвшөөрнө /Зөвхөн гэр бүлийн гишүүд оролцоно/

• Өрхийн нэг гишүүн зөвшөөрөгдсөн үйлчилгээнүүдийг авахдаа гэртээ хамгийн ойр байрлах цэгт очих бөгөөд QR кодыг заавал уншуулна.

Шадар сайд С.Амарсайхан "Энэ хугацаанд нийтийн тээвэр үйлчлэхгүй бөгөөд зайлшгүй ажиллах ёстой төрийн байгууллагууд, төрийн өмчит үйлдвэрийн газруудын үйл ажиллагааг тодорхой эрэмбээр зохион байгуулна. Тэдгээр иргэдийг давхар хяналтаар зорчуулна. Иргэд гэрээс гарахгүй байх зарчмыг баримтална" гэсэн юм.

• Товчоодоор зайлшгүй шаардлагаар гарч, орох иргэд PCR шинжилгээ өгсөн байна. 

• Айл хэсэх, ахуйн хүрээнд архидахыг хориглох бөгөөд эдгээрт хатуу хяналт тавина!

Харин үйл ажиллагаа нь зөвшөөрөгдсөн төрийн байгууллагуудын ажилтнуудад үйлчлэх нийтийн тээврийн автобус тодорхой цагийн хуваарийн дагуу явна.