Сэлэнгэ аймагт гурван багш нийлж ЕБС-ийн хоёр сурагч охиныг хүчирхийлсэн хэргээр саатуулагджээ

Сэлэнгэ аймгийн Зүүнхараа суманд ЕБС-ийн гурван багш нийлж хоёр сурагч охиныг хүчирхийлсэн гэх мэдээлэл гараад байна.

Энэ хэргийн талаар БШУС Л.Энх-Амгалангаас мэдсэн эсэх талаар тодруусан байна.

Тэрээр хэлэхдээ "Би энэ талаар мэдээлэл авсан. Ийм хэрэг гарсан байна. Нэгдүгээр сарын 25-ны шөнө болсон юм шиг байна. Ийм сэтгэл эмзэглүүлэм хэрэг гарсанд нийт ард иргэдээсээ, багш сурган хүмүүжүүлэгч нарынхаа өмнөөс хүлцэл өчье. Сэлэнгэ аймгийн Мандал сумын хоёр сургуулийн гурван багш нийлж архидан согтуураад 12-р ангийн хоёр сурагчтай хууль бус харицсан байж магадгүй гээд цагдаагийн байгууллагад шалгагдаж байгаа юм байна. 

Миний зүгээс хэлэх зүйл бол өмнөх Засгийн газар ёс суртахууны өндөр үнэлэмжийг монголын төрд тогтоосон. Цаашдаа монголын төрд зүтгэж байгаа 200 мянган алба хаагч нар ёс суртахуун, сахилга хариуцлагын асуудлыг дор дороо хүлээдэг байх шаардлагатай. Боловсрол, ШУ-ны салбарынхаа нийт ажилчдын сахилга хариуцлага, ёс суртахууныг сайжруулах нь миний эхний ажил юм байна гэж харж байна" гэлээ. 

Хэрийг тодрруулбал, 10 орчим хоногийн өмнө тус аймгийн Мандал сумын 2-р сургуулийн Англи хэлний багш М, 4-р сургуулийн Биеийн тамирын багш Т, 3-р сургуулийн сургуулийн Газар зүйн багш А нар нийлж Сэлэнгэ аймгийн Мандал сумын ЕБС-ийн 9-р ангийн сурагч, Баянгол сумын ЕБС-ийн сурагч охидыг нийлж хүчирхийлсэн хэргээр саатуулагдаад байгаа юм байна. 

Багш нар архидан согтуурах үеэрээ сурагч охидыг Зүүнхараад байх Нарны-Өртөө гэх зочид буудалд дуудаж хүчиндсэн гэх мэдээлэл байгаа аж. Хэргийн талаар Зүүнхараагийн цагдаагийн байгууллагын нийтийн хэв журмын даргаас тодруулахад "Хэрэг шалгагдах ажиллагаа үргэлжилж байгаа, нэмэлт мээдээлэл өгөх боломжгүй" гэсэн байна.