Төрийн шагналт, Урлагийн Гавьяат зүтгэлтэн, “Баян Монгол” чуулгын удирдаач, СУИС-ийн хүндэт профессор Бадамдоржийн Ганбат 2021 оны нэгдүгээр сарын 22-ны өдөр хүнд өвчний улмаас таалал төгсжээ.
Монголын эстрад урлагийн дээд сургууль гэж болох хагас зууны түүхтэй “Баян Монгол” чуулгатай амьдралынхаа 46 жилийг холбосон Б.Ганбат агсан “Жалам хар", "Дөрвөн настай халиун", "Дэрэнгийн хар азарга", "Морин зэрэглээ" зэрэг дууг жааз хэлбэрээр найруулж, Монголын хөгжмийн урлагийн хөгжилд шинэчлэл хийсэн замналтай.
Монголын хөгжмийн урлагт "Гитарын генерал" хэмээх тодотголтой тэрээр өнөө цагийн шилдэг гитарчдын багш юм.
Талийгаачийн гэр бүл, төрөл төрөгсдөд гүн эмгэнэл илэрхийлье