УИХ-ын гишүүн Д.Гантулга, Д.Мурат нарыг бүрэн эрхийг түдгэлзүүлэх асуудлаар нууц санал хураалт явуулахад чуулганд оролцсон 57 гишүүний 29 нь “түдгэлзүүлэх шаардлагагүй” гэж үзсэн тухай өмнө мэдээлсэн. Санал хураалтыг нууцаар явуулсан тул хэн ямар санал өгснийг мэдэх ч боломжгүй. Гэхдээ гишүүдийн талаас илүү хувь нь хоёр гишүүний бүрэн эрхийг хамгаалж үлдэхээр тэмцсэн явдал МАН-ын дарга У.Хүрэлсүхтэй холбоотой. Харин мань хүн “Залуу гишүүнээ авч үлдмээр байна” гэж бүлгийнхээ гишүүдийг шахаж санал өгүүлчихээд маргааш нь мотоциклчдын цуглаан дээр “Хүчирхийллийн эсрэг хамтдаа” хэмээн хашгирч явахыг нь зүгээр холоос харсан хүний ч нүд халтирна. Уг нь эрүүл саруулаар бодоод үзвэл эр хүн, улстөрч хүн, тэгээд намын дарга хүн хэлсэн үгнээсээ буцаж, хоёр нүүр гаргаж болохгүй л юм. Гэхдээ тэр ч гэсэн энэ хүнд ямар хамаатайв. Ямар анх удаагаа амнаасаа буцаж, үгнээсээ урваж байгаа ч биш дээ. Тийм ээ?

Б.ГАЛ