Үндэсний цэцэрлэгт хүрээлэнг энэ сарын 11-ний өдрөөс нээнэ.
Энэ талаар Нийслэлийн засаг даргын орлогч Ж.Сандагсүрэн "Үндэсний цэцэрлэгт хүрээлэнгийн үйл ажиллагааг Даваа гаригаас хэвийн горимд нь шилжүүлэн нээж байгаа.
Учир нь нийслэлийн зүгээс иргэдэд аль болох бөөгнөрөл үүсгэхгүйгээр холбогдох байгууллагуудын хяналт дор агаар салхинд гарах маршрутыг нээх бодлого барьж байгаа юм.
Үндэсний цэцэрлэгт хүрээлэнг нээхэд үйлчилгээний газрууд нь ажиллахгүй ч иргэд агаарт гарах нөхцөл боломж бүрдэх юм.
Агаарт гарах маршрутыг хамт олноор бус гэр бүлийн хүрээнд, ямар нэг бөгнөрөл үүсгэхгүйгээр зохицуулахаар ажиллаж байгаа" гэлээ.
