ЦЕГ-ын Хэвлэл, мэдээллийн төвийн дарга Б.Баатархүү "Хажуу айлын хүүхдүүд үймүүлж, дуу чимээ гаргасан тохиолдолд эцэг эхэд нь хариуцлага тооцох боломжгүй" гэдгийг мэдээллээ.
Тэрээр “Цагдаагийн байгууллагаас "Шөнийн цагаар хүүхэд уйлсан, үймүүлсэн" гэж хариуцлага тооцож байгаагүй. Мөн хариуцлага тооцох боломжгүй. Учир нь Зөрчлийн тухай хуулиар зөрчил гаргагч нь 16 насанд хүрсэн, хэрэг хариуцах чадвартай хүнд хариуцлага хүлээлгэдэг. Хэрэв эцэг эх нь оршин суугчдын амгалан тайван байдлыг алдагдуулсан бол хариуцлага хүлээнэ" гэв.
Зөрчлийн тухай хуулийн нийтийн зориулалттай орон сууцны оршин суугчдын амгалан тайван байдлыг алдагдуулсан бол хувь хүнийг зуун мянган төгрөгөөр, хуулийн этгээдийг сая төгрөгтэй тэнцэх хэмжээний төгрөгөөр торгодог зүйл заалт бий. Цагийн хязгаарын хувьд 22:00-06:00 цагийг хүний амарч тайван байх хугацаа гэж үздэг байна.