Олон нийтийн сүлжээнд эрх бүхий хүмүүсийг нууцаар авчирч, энгийн иргэдээ гудамжинд үлдээлээ хэмээх эсэргүүцэл ихсээд байгаа юм.
Дотооддоо халдвар алдсан тул бүх тусгай үүргийн бүх нислэгийг цуцалж, хүлээн авах хүч хүрэхгүй гэж мэдэгдсэн нь эх орондоо ирэх хүсэлт гаргасан иргэдээ усгүй цөл газар хаясантай дүйцэхүйц харгис шийдвэр байсан юм.
Харин өчигдөр буюу энэ сарын 6-7ныг шилжих шөнө Сөүл-Улаанбаатар чиглэлийн Ачаа тээврийн онгоцоор цөөн тооны иргэл нууцаар иржээ. Эдгээр хүмүүсийн дотор УИХ-ын гишүүн Ш.Раднаасэд болон түүний эхнэр, мөн УИХ-ын гишүүн Д.Өнөрболор байгаа аж.
БНСУ-д гацсан эх орондоо ирэх хүсэлтэй жирийн иргэд хөдөлгөөн өрнүүлж, өлсгөлөн хүртэл зарлаад байгаа билээ. Эдгээр иргэд дунд жирэмсэн эмэгтэй хүртэл байгаа юм.
Гэтэл ачаа тээврийн нислэгээр нууцаар хүн зорчуулсан ядвал иргэдийн бухимдуулаад буй. Арга ч үгүй биз. Жирийн иргэд хэдэн сараар тэвчээртэй хүлээж байхад харин эрх мэдэлтэй хүмүүс шууд хүрээд ирдэг жихүүцэм сонин.
Харин энэ талаар ГХЯ-ны консулын газрын дарга Л. Мөнхтүшиг тайлбарлав.
Тэрээр "БНСУ-руу нэг удаагийн тусгай үүргийн нислэг үйлдэхээр боллоо. Уг нислэгээр 160-170 иргэн ирнэ. БНСУ-аас яаралтай ирэх хүсэлтээ өгсөн 1500 гаруй иргэн байгаа. Тус улс гамшгаас хамгаалах дэглэмээ сунгасан учир иргэд ЭСЯ-ны гадаа олноор цугларахгүй байхыг хүсч байна. Мөн энэ сарын 6-нд буюу өчигдөр ирсэн онгоц МИАТ компанийн тусгай үүргийн нислэг байгаагүй бөгөөд АНУ-аас дипломат ажилчдаа авчрахаар хөлсөлсөн онгоц байсан. Тус онгоцоор нийт 38 иргэн ирсэн" гэлээ.
