Эрүүл мэндийн яамнаас Баяр ёслолыг цахимаар тэмдэглэхийг уриаллаа. 

УОК-ийн Шуурхай штабын дарга Б.Ууганбаяр тусгаарлалтад байгаа иргэдийг талаар мэдээлэл өглөө. Энэ үеэр сошил орчинд УОК-ын нэрийг барьж нэгнээрээ тохуурхсан байдалтай ёс бус бичлэг хийсэн залуусыг холбогдох байгууллагаар шалгуулна хэмээн мэдэгдлээ. Тухайн бичлэгт UB Comedy клубын залуус байсан юм.  

Шуурхай штабын дарга Б.Ууганбаяр "Өчигдөр марзан хошин яриа ярьдаг нөхдүүд зургуулаа суугаад найз нөхөдтэйгөө утсаар ярихдаа УОК-ын нэр барьж, мэргэжлийн үг хэллэгийг буруу зөрүү зүйл дээр хэрэглэж хоорондоо марзгасан яриа олон нийтийн сүлжээнд тавьсан. УОК-ын шуурхай штабаас эдгээр нөхдийг хууль, хяналтын байгууллагад өгч шалгуулна. Халдварт өвчин бол тоглоом биш. Тоглоом тоотой нь дээр гэдэг юм. Яг энэ мөчид улс орноороо олон хүмүүс хүчин чармайлт гаргаж, энэ өвчинтэй тэмцэж нойр хоолгүй зүтгэж байгаа энэ цаг мөчид хэмэг нөхдүүд марзаганаж, өвчнөөр тоглож олон нийтийн сүлжээнд яриагаа тавьсан. Бусад хүмүүст ч анхааруулж байна. Улс орноороо Бэлэн байдлын зэрэгт шилжсэн энэ үед бүх хүмүүс, мэргэжлийн байгууллага, ард иргэд нь хамгаалалт гаргаад зүтгэж байхад олон хүмүүсийн хүч хөдөлмөрийг буруугаар ашиглаж марзагнах юм бол хуулийн хатуу хариуцлагатай. Тэр зургаан нөхөр амны хаалтгүй суучаад, инээж хөхөрөөд их сонин үйлдэл гаргаж байна лээ. шалгуулна. Дэг журамтай, сахилгатай байна аа" гэлээ.