Улсын Онцгой комисс ням гаригт цахим хэлбэрээр хуралдсан. Хурлаар “Ковид-19”-ийн нөхцөл байдал, бүх нийтийн бэлэн байдлын зэрэгт шилжүүлсэн хугацаанд хийсэн ажил, өнгөрсөн хугацаанд нэмж халдвар илрээгүй аймгуудад хөл хорионы дэглэмийг нэмэхгүй байх зэрэг асуудлыг хэлэлцжээ.
Өнгөрсөн 23-30 хоногийн хугацаанд 20 аймагт халдвар нэмж илрээгүй. Иймд ДЭМБ-ын зөвлөмжөөр халдваргүй бүс гэж ойлгож, цаашид Улаанбаатараас аймгуудад халдвар тархаахгүй байхад анхаарч дараах шийдвэрийг гаргав.
-
Аймгуудад тогтоосон өндөржүүлсэн бэлэн байдлын зэрэгт шилжүүлсэн хугацааг 2020 оны 12 дугаар сарын 31-ний өдрөөс 2021 оны 03 дугаар сарын 31-ний өдрийг дуустал сунгах
-
Хилийн бүх боомтоор нэвтрэх зорчигч тээврийн хөдөлгөөнийг 2021 оны 03 дугаар сарын 31-ний өдрийг дуустал түр зогсоох
-
Эм, эмнэлгийн хэрэгсэл, тоног төхөөрөмж, хамгаалах хувцас, бараа материалыг хилээр нэвтрүүлэхийг тухай бүр шийдвэрлэх нь зүйтэй гэж үзлээ.
Улсын онцгой комиссын саналыг маргааш буюу лхагва гаригт болох Засгийн газрын хуралдаанаар эцэслэн шийдвэрлэнэ.
