Хүнс, хөдөө аж ахуйн дэд сайд асан Ж.Сауле саяхан өөрийн фэйсбүүк хуудсаар Ерөнхий сайд асан С.Баяр, М.Энхболд, С.Батболд, Ж.Эрдэнэбат нарын тухай,
"Манай намыг хамгийн хүнд үeд ялуулж байсан Намын дарга, Eрөнхий сайдуудын удирдлагын дор ажиллаж байсандаа бахархдаг. Харамсалтай нь нийгэмд зохиомлоор үзэн ядах үзлийг бий болгож байна. Цаг хугацаа эд нарыг хэн бэ? гэдгийг харуулах байх. Хуулийн нарийн процeссийг мэдэхгүй ч сайн явахад нь "Сайд аа" гээд долоочих шахаж явсан улсууд таг! Эр хүний замын хүзүү урт даа. Албан тушаалтай тушаалгүй, сайн ч, муу ч явсан миний хувьд манай намын дарга, Eрөнхий сайд хэвээрээ” хэмээн бичсэн нь бий.
Түүний энэ үг олон хүний зүрхэнд хүрч, “Монгол хүн жудагтай байх ёстой. Урьд, хойдохоо мартдаггүй ухаантай эмэгтэй байна. Намын удирдлага, журмын нөхдөөс нь ийм сэтгэл гарахгүй байгаа шүү” хэмээн дэмжсэн байдаг.
Ж.Сауле сайдын хувьд Москвагийн их сургуулийг төгссөн, үндэсний цөөнх гэгддэг казак түмний эмэгтэйчүүдээс төрийн өндөр албан тушаал хашсан цөөхөн эмэгтэйчүүдийн нэг. Ингэхдээ ажил унагалаа, уулаа идлээ гэсэн хэл аманд нэг ч удаа орж байгаагүй, ямар ч албанд очсон “яс” ажилладаг зантай, шударга хүн. УИХ-ын сонгууль болгоноор "Сауле нэр дэвшинэ" гэж улстөр сонирхогчид, Өлгийчүүд хүлээдэг ч нам нь нэр дэвшүүлж байсан удаагүй. Тэглээ гээд нугарч үзээгүй, хаана ган зуд, үер ус, хүндрэл бэрхшээл тохионо тэнд ажлаа хийгээд явж л байдаг.
Сауле сайд 2000 оноос төрийн албан тушаал хашиж ЗГХЭГ-ын референт, 2008-2012 онд ХХААХҮ-ийн дэд сайд сайдаар ажилласан. 2013 оноос МАН-ын Ерөнхий нарийн даргын зөвлөх, МАН-ын дэргэдэх Зөвлөхүүдийн танхимын нарийн бичгийн даргаар ажиллаж, намдаа хамгийн ойр зүтгэсэн эмэгтэйчүүдийн нэг. 2016 оноос ХХААХҮ-ийн дэд сайдаар гурав дахь удаагаа томилогдож, дөрвөн жил ажилласан. 2020 онд УИХ-д гарцаагүй нэр дэвшинэ дээ гэсэн хүмүүсийн нэг байсан ч нам нь нэр дэвшүүлээгүйгээр барахгүй хүлээн зөвшөөрөгдсөн Хөдөө аж ахуйн дэд сайдаас нь буулгасан байдаг.
Уг нь бол МАН-ын дарга У.Хүрэлсүх Онцгой байдлын сайдаар ажиллаж байхаасаа л ган, зуданд дагуулан явсан, ажил хөдөлмөрийг нь ч мэдэхийн дээдээр мэдэх хүний нэг. Гэвч эрчүүдтэй нийлж найруулж явдаггүй, хүүхнүүдтэй нийлж намын дарга нарынхаа урдуур хойгуур улыг долоох шахам гүйдэггүйгээс болдог биз дээ.
Сэтгэгдэл (6)