Литва улсын Элчин_сайдын_яамны санхүүжилтээр нийгэм, улс төр, бизнесийн салбарын залуу эмэгтэйчүүдийг чадавхжуулах, олон нийттэй харилцах мэргэшүүлэх "SPEAK_OUT" тэтгэлэгт хөтөлбөрийн шалгаруулалтад салбар бүрийн бүсгүйчүүд хүсэлтээ ирүүлж, ярилцлагын шат маш өрсөлдөөнтэй болсон. Хүсэл тэмүүлэл, нийгмийн идэвхи, оролцоо, дайчин чанараар шалгарсан нийт 13 оролцогч хөтөлбөрийн эхний үе шат болох танхимын сургалтад энэ долоо хоногт хамрагдаж эхэллээ.

Сургалтын агуулгаар олон нийтийн мэдээллийн харилцааны тухай ойлголт, байгууллагын имижийг бүрдүүлэгч хүчин зүйлс, олон нийттэй харилцахад баг бүрдүүлэх алхам,  мэдээлэл харилцааны стратеги боловсруулах болон мэдээлэл харилцааны нөхцөл байдлыг үнэлэлж зорилтот бүлгийг тодорхойлов. Үүнээс үндэслэн мэдээллийн кампанит аянг хэрхэн төлөвлөж, үнэлэхээс гадна багаар ажиллан тодорхой кейс жишээнүүд дээр ажилласан нь илүү сонирхолтой байв.

Үндсэн мэдлэгийн хажуугаар өнөөгийн мэдээллийн урсгал болсон сошиал медиа, түүний онцлогийг судлахаас гадна видео контент подкаст хэрхэн бэлтгэх гэх мэт цаг үеийн ур чадвар шаардсан хэрэглэгдэхүүнүүдийг сонирхууллаа.

Онолын мэдлэг дээрээ тулгуурлан оролцогчид  өөр өөрийн ажиллаж буй чиглэлийнхээ хүрээнд #КАМПАНИТ_АЯНы #Стратеги_төлөвлөгөө боловсруулан ирэх саруудад хийж хэрэгжүүлэхэр төлөвлөж байна.