Засгийн газрын өнөөдрийн хуралдаанаар улсын хэмжээнд тогтоогоод байгаа бүх нийтийн бэлэн байдлын дэглэмийг бууруулхаар боллоо.

Шадар сайд Я.Содбаатар "Хөл хориог бүтэн 30 хоног барьж ажиллалаа. Цаашид үйл ажиллагаагаа сайжруулж, ажиллах болно. Халдварын голомтыг хумих, эрсдлийг бууруулах зорилгоор хөл хориог үе шаттай бууруулах нь зүйтэй гэж үзлээ. Нийслэл, Архангай, Сэлэнгэ аймагт гурав хоногоор сунгах саналыг Улсын Онцгой комиссоос гаргасан. Харин ирэх даваа гаригаас хөл хориог цуцалж, өндөржүүлсэн бэлэн байдалд шилжих саналыг гаргалаа" гэв. 

Харин Ерөнхий сайд У.Хүрэлсүх хатуу хөл хориог ирэх даваа гаригаас сулруулж өндөржүүлсэн бэлэн байдалд шилжиж ажиллах чиглэл өглөө.