2020 оны 11 дүгээр сарын 16-20-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэст зам тээврийн ослын шинжтэй 152 дуудлага мэдээлэл ирж, шийдэрлэжээ.
Энэ өдрүүдэд зам тээврийн ослын улмаас дөрвөн хүн гэмтэж, орон нутагт нэг хүний амь нас хохирсон байна.
Ноцтой ослыг тодруулбал, Архангай аймаг Өгийнуур сумын нутагт шороон замд Мустанг-5 маркийн улсын дугааргүй мотоцикл онхолдож, жолооч, 62 настай, эрэгтэйн амь нас хохирчээ.
Мөн нийслэлд согтуугаар тээврийн хэрэгсэл жолоодсон 22 жолооч, орон нутагт 13 жолоочийг илрүүлж, хариуцлага тооцсон байна.
Харин машин жолоодох эрхгүй буюу эрхээ хасуулсан үедээ согтуугаар тээврийн хэрэгсэл жолоодсон 15 жолоочийг шүүхээр баривчлуулж, хариуцлага тооцжээ.
