Хэнтий аймагт коронавирусийн сэжигтэй тохиолдол илэрч, 14 хоног хөл хорио тогтоолоо. 

Хэнтий аймгийн онцгой комисс: Арваннэгдүгээр сарын 15-ны шөнө Улаанбаатар хотоос хулгайн замаар тус аймагт хүрсэн иргэдийн түргэвчилсэн шинжилгээний эхний хариу эерэг гарсан байна. Тухайн хоёр иргэний 24 цагийн дараа PCR шинжилгээний хариу гарах бөгөөд тухайн иргэний дамжин өнгөрсөн чиглэл тодорхой болно.

Тухайн иргэн хулгайн замаар Улаанбаатараас Хэнтий аймагт хүрсэн бөгөөд Цэнхэрмандалын постноос буцаахад голын урдуур Баянмөнх, Дархан, Баянхутаг сумын нутгаар дамжин, аймгийн урд байрлах шатахуун түгээх станцаар үйлчлүүлэн, аймгийн төвөөс 70 км газарт Заанширээ гэдэг газарт гэртээ байгаа гэсэн өгүүлэмжтэй байгаа аж.

Төрийн байгууллагууд зохион байгуулалттай өндөржүүлсэн байдалд бэлэн ажиллаж байгаа тул иргэдийг ухамсартай байж, гэр гэртээ тайван байхыг зөвлөлөө. 

Мөн тухайн иргэдийн PCR шинжилгээ батлагдаж, эмчлүүлэх шаардлага үүсвэл аймгийн эм, эмийн хангалт бүрэн хангалттай байгаа гэж мэдээлэв.