Тусгаарлалтад 21 хоноод гарсан олон улсын ачаа тээврийн жолооч болон түүний эхнэрээс коронавирусийн халдвар илрээд байна. УОК шуурхай хуралдаж нийслэлд гурван хоногийн хөл хорио тогтоож, хотоос гарах хөдөлгөөнийг хаагаад буй. Энэ хугацаанд халдвар илэрсэн хүний хавтлуудыг тогтоож, тандалт судалгаа хийх юм. Энхий байдлаар нэгдүгээр хавьтал болох 16 иргэнийг тогтоож, шинжилгээ авч байгаа талаар өнөө өглөө УОК-ын шуурхай хуралдааны дараа мэдээлсэн.
Тэгвэл халдвар илрээд буй олон улсын ачаа тээврийн жолооч 29 настай эрэгтэй "Д"-гийн тусгаарлалтаас гарснаас хойшхи дөрвөн хоногийн маршрут буюу хөдөлгөөний зураглал гарчээ.
Тэрээр тусгаарлалтаас гарсан өдрөө буюу энэ сарын 6-ны өдөр нийтийн тээврээр хэд хэд зорчсон байна. Мөн хоёр хоногийн дараа буюу энэ сарын 8-ны өдөл UB place-д "Хархан нүдэн" тоглолт үзжээ. Харин гурван хоногийн дараа буюу энэ сарын 9-ний өдөр "Алтан тэвш" ХХК-ний дугуй засвараар үйлчлүүлжээ.
Иргэд та бүхэн айж сандралгүй, маскаа зүүж, гараа ариутгаж, зай барих халдвар хамгааллын дэглэмээ сахих нь чухал юм.
Мөн танд халдварын ямар нэгэн шинж тэмдэг илэрвэл Эрүүл мэндийн салбарын ШУУРХАЙ УТАС 119-рүү холбогдож зөвөлгөө авахыг зөвлөж байна.
Магадгүй та иргэн "Д"-ийн маршрутаар зорчсон бол өөрийгөө ажиглаж, шуурхай утас 119-д хандаарай.
