Нийслэлийн удирдах ажилтны шуурхай зөвлөгөөн болж байна.

Зөвлөгөөний үеэр Замын хөдөлгөөний төлөвлөлт, зохицуулалт, инженерчлэлийн газрын дарга С.Энхтөр нийслэлийн түгжрэл, түүнийг хэрхэн бууруулах арга замын талаарх мэдээлэл хийлээ.

Тэрээр гудамж замын сүлжээг хөгжүүлэх, торлолын систем холбоос замуудыг нээх, замын хөдөлгөөний зохицуулалт, төлөвлөлтийн нэгдсэн систем, авто зогсоолын нэгдсэн систем, нийтийн тээврийг богино эргэлттэй болгох, уулзвар гарцын инженерчлэл хийх, албан байгууллагуудын цагийн уялдаа холбоог бий болгох зэрэг ойрын хугацаанд хийх ажлын саналыг танилцууллаа. 

Энэ үеэр Хотын дарга Д.Сумъяабазар "Орон нутгаас Улаанбаатарт хичнээн хүн ирж таксинд явах нэртэйгээр халтуур хийж байна. Үүний ард  хулгай дээрэм, хүчирхийллийн гэмт хэрэг гарч, тэд татвар төлөхгүй, түгжрэлийг бий болгож байна. Тэдний тоо хэрэгтэй байна, үүнд онцгой анхаарч, танилцуулга хийгээрэй. Хотын иргэнд давуу байх боломж нь алдагдаж, хотын даац хэтрээд байна" гэлээ.