Аравдугаар сарын 7-ны өдөр буюу өнөөдөр 08.19 цагт Хан-Уул дүүрэг Яармагийн замд гарцаар гарч явсан арван настай хүүхдийг Honda CRV маркийн машинтай жолооч мөргөсөн осол гарчээ.
Осол British school хойд гарц дээр болсон бөгөөд одоогийн байдлаар хүүхэд ил харагдах гэмтэл, шархгүй байна гэдгийг Тээврийн цагдаагийн албанаас мэдээллээ.
Хоёр хоногийн өмнө буюу аравдугаар сарын 5-ны өдөр Яармагийн эмнэлгийн хойд зам, явган хүний гарцаар гарч явсан 9, 5 настай хүүхдийг мөргөж, таван настай хүүхэд амиа алдсан хэрэг гарсан юм.
Иймд жолооч та бүхэн явган хүний гарц руу ойртон ирэхдээ хурдаа хасаж, гарцаар гарч буй явган зорчигчид зам тавьж өгч байхыг эцэг, эхчүүдээ 10 хүртэлх насны хүүхдийг харгалзах хүнгүйгээр замын хөдөлгөөнд явганаар оролцуулахгүй байхыг анхааруулж байна.
