Энэ сарын 20-ны өдөр буюу өчигдөр шөнө есөн настай охин духан тус газраа шархадсан байдалтай нас барсан хэрэг Баянзүрх дүүрэгт гарчээ.
Хэргийг тодруулбал, "Баянзүрх дүүргийн 23 дугаар хороонд хүүхэд нас барсан байна” гэх дуудлага мэдээлэл цагдаагийн байгуулагад бүртгэгджээ.
Тус дуудлага мэдээллийг Баянзүрх дүүрэг дэх цагдаагийн газрын гуравдугаар хэлтсийн жижүүрийн бүрэлдэхүүн шалгаж ажиллахад тус хаягт оршин суух хаягтай есөн настай эмэгтэй Э нь духан тус газраа шархтай нас барсан байжээ.
Урьдчилсан байдлаар охиныг түүний хойд эцэг гэх 36 настай Б хохироосон байж болзошгүй нөхцөл байдал тогтоогджээ. Мөн хохирогч охины нарийн гэдэс цоорсон гэх дүгнэлт гарсан байна.
Хэргийг Баянзүрх дүүргийн цагдаагийн гуравдугаар хэлтэс мөрдөн шалгах ажиллагаа явуулж байна.
Хэргийн талаар эргэн мэдээллэх болно.