Хоёр настай хүүхдүүдийн нуудын цэцэрлэгийн бүртгэл болон сургуулийн автобустай холбоотой асуудлаар нийслэлийн Боловсролын газраас мэдээлэл хийлээ.

Сургуулийн автобусны хүрэлжээ болон хуваарлалтын талаар Нийслэлийн Боловсролын газрын дарга Ж.Гантулга "Нийт 31 сургуульд 40 автобусыг 35 чиглэлд 2020 оны есдүгээр сарын 21-ний өдрөөс эхлэн явуулна.

Үүнтэй холбоотойгоор нэр бүхий сургуулиудад чиглэлээ өгөөд хүүхэд хамгаалагчтайгаа гэрээ хийн эцэг эхчүүд, хүүхдүүдэд мэдээлэл өгөн бэлтгэл ажлаа хангаад явж байна.

Цаашид энэ ажлыг улам өргөжүүлнэ. Нийслэлээс 200 хүүхдийн автобус авахаар холбогдох байгууллагууд гэрээ хийх бэлтгэл ажлаа хангаж байна. Энэ жил хүүхдийн автобусны зориулалтаар эхний ээлжийн 75 автобус арваннэгдүгээр сард ирэхээр байгаа" гэлээ. 

2020-2021 оны хичээлийн жилд төрийн болон төрийн бус өмчийн ерөнхий боловсролын сургуулийн 182 автобус хүүхдүүдэд үйлчилж байна. Сургуулийн автобус нь хүүхэд гэр, сургуулийн хооронд аюулгүй зорчих болон Улаанбаатарын түгжрэлийг бууруулахад тодорхой үр дүн үзүүлнэ гэж үзэж байгаа юм