Төрийн албаны ерөнхий шалгалтын цахим бүртгэл энэ сарын 14-ний өдөр эхэллээ. Цахим бүртгэл 30 хоногийн хугацаанд буюу 2020 оны 10 дугаар сарын 14-ний 14:00 цаг хүртэл явагдана.
Бүртгүүлэх зааврыг ЭНД дарж авна уу!
2020 оны 1 дүгээр сард бүртгүүлсэн иргэд дахин бүртгүүлэх шаардлагагүй бөгөөд бүртгэгдсэн эсэхээ системд нэвтэрч “Бүртгэлд хамрагдсан иргэд” цэснээс шалгах боломжтой.
Шалгалтын цахим бүртгэл дууссаны дараа 2020 оны 10 дугаар сарын 26-ны өдөр шалгалтын хуваарийг нийтэлж, амжилттай бүртгүүлсэн иргэдэд SMS мессеж илгээнэ. Бүртгүүлсэн иргэд шалгалтын хуваарь өдөр, цагтаа баталгаажилтын хуудсаа хэвлэн авч, иргэний үнэмлэхтэйгээ ирэх юм.
Төрийн албаны ерөнхий шалгалт 2020 оны 11 дүгээр сарын 4-ний өдрөөс эхэлнэ.
“Төрийн албаны шалгалтын сорил” цахим номыг Төрийн албаны зөвлөлийн сайтад байршуулсан тул холбоос линкээр орж судлах боломжтой.
Цахим номыг сорилын “зөв хариулт”-ын түлхүүрийн хамт хэвлүүлэхээр хэвлэлтэд өгсөн бөгөөд хэвлэгдэж гарсны дараа www.csc.gov.mn цахим сайтаар мэдээлнэ.
