Улсын их баяр наадмын түрүү бөхчүүдэд допинг илэрсэн тухай мэдээлэл нийтэд ил болоод буй. Тэгвэл энэ асуудлаар Улсын аварга Н.Батсуурь тайлбар хийлээ.
Тэрээр өнөөдөр өөрийн биеэр шинжилгээний хариунаас нь допинг илэрсэн талаар мэдээллээ.
Н.Батсуурь: "Өөрийн биеээр допингийн хариуг зарлая гэж шийдээд энэ хэвлэлийн хурлыг хийж байна. Энэ оны долдугаар сарын 12-нд Баяр наадамд үзүүрлэж Тод сайхан гэдэг чимэг авсан. Түүнээс хоёр сарын дараа допингийн хариу ирсэн байна.
Шинжилгээний хариуд "Таны биеэс эмийн бодис илэрсэн гэсэн байна" гэсэн байсан. Би энэ хариуг хүлээн зөвшөөрч байна. Үнэн зөв гэж бодож байна.
Допинг илэрсэн учраас эмнийхээ талаар ойлголт өгье.
Хариу авснаас хойш гурван хоногийн хугацаанд уг эмийг судаллаа. Энэ бол зүрхний эм. Эмийн сангуудаар нэг ширхэг нь 400 төгрөгөөр жоргүй худалдаалагддаг эм байна.
Миний хувьд энэ эмийг уух шаардлага надад байхгүй. Миний уух юманд энэ эмийг хольж өгсөн байх гэдэг хардлага төрж байна. Гэхдээ энэ хариуг би хүлээн зөвшөөрч байгаа. Яалтач үгүй энэ эм миний биеэс илэрсэн. Би B сорьцын шинжилгээ өгөхгүй. А, B хоёр зөрсөн түүх бараг байхгүй. Би хариуцлагаа хүлээхэд бэлэн байна.
Энэ лабораторийн шинжилгээтэй маргах зүйл байхгүй.
Гэхдээ би маш их харамсаж байна. Энэ хүртэлх хугацаанд олон наадмуудад би үнэн шударгаар барилдаж өдий зэрэгт хүрсэн. Гэхдээ би энэ эмийг уугаагүй гэж бодож байна. Би монголын ард түмэн, бөх сонирхогч, үндэсний баяр наадмыг үзсэн хүмүүсээсээ уучлалт гуйж байна.
Залуу дүү нартаа захиж хэлэхэд хоол ундандаа сайн анхаарахгүй бол цөвүүн цаг ирсэн байна шүү" гэлээ.