Баянзүрх дүүргийн нутаг дэвсгэрт орших “Улиастайн гүүр”-ний баруун замд есдүгээр сарын 6-ны өдрийн 01:50 цагийн орчимд 15 настай хүүхэд автомашин жолоодож яваад гэрлийн шон мөргөж онхолдсон хэрэг гарчээ.

Ослын улмаас жолооч 15 настай, эрэгтэй Т болон дотор нь зорчиж явсан 14 настай, эрэгтэй Н, 15 настай, эрэгтэй Д, 12 настай, эрэгтэй Г нар гэмтсэн байна. Одоогоор тухайн хэргийг шалгаж байна.

Өнгөрсөн амралтын өдрүүдэд зам тээврийн ослын шинжтэй нийт 416 дуудлага Тээврийн цагдаагийн албанд бүртгэгдэж, ослын улмаас 13 хүн гэмтэж, нэг хүн амиа алджээ.

Мөн дээрх өдрүүдэд согтуугаар тээврийн хэрэгсэл жолоодсон 72 жолоочийг илрүүлсэн бөгөөд давуу эрх бүхий явган зорчигчид гарцан дээр зам тавьж өгөөгүй 162 жолоочид хуулийн дагуу хариуцлага тооцсон байна.

Тээврийн хэрэгслийн жолооч та явган хүний уулзвлар гарц руу ойртон ирээд хурдаа хасах, хороолол дотор давуу эрх бүхий явган зорчигчид зам тавьж өгөхийг Тээврийн цагдаагийн албанаас анхааруулж байна.