Дэлхийн нийтийг хамран хурдацтай тархаж буй коронавируст халдвар “COVID-19” цар тахлын аюулаас урьдчилан сэргийлэх зорилгоор Монгол улсын Засгийн газраас өндөржүүлсэн бэлэн байдлын зэрэгт хэсэгчилсэн байдлаар шилжүүлж, хорио цээрийн дэглэмийг тогтоосон энэ үед Гадаад харилцааны яамнаас төрийн бусад байгууллагад дэмжлэг үзүүлэх хүрээнд Нийслэлийн Түргэн тусламжийн төвд 10000 ширхэг амны хаалтыг өнгөрсөн сарын 24-ны өдөр хандивласан билээ.
Энэхүү хандивын арга хэмжээний үргэлжлэл болгож наймдугаар сарын 31-ний өдөр Гадаад харилцааны яамны Төрийн нарийн бичгийн дарга Н.Анхбаяр дахин 10000 ширхэг амны хаалтыг Улсын Нэгдүгээр төв эмнэлэгт гардуулан өгч, цар тахлын хүнд нөхцөлд ажиллаж буй тус эмнэлгийн хамт олонд эрүүл энх, ажлын амжилтыг хүсэн ерөөв.
