Ирэх есдүгээр сард 12 удаагийн тусгай үүргийн нислэгээр 3,100 гаруй иргэнээ татан авах ажиллагааг зохион байгуулах шийдвэрийг УОК-оос гаргасан билээ. Энэ дагуу дараах хуваарийн дагуу нислэг үйлдэгдэх тухай УОК-ын Шуурхай штабаас мэдээллээ. 

2020 оны есдүгээр сард төлөвлөгдсөн тусгай үүргийн нислэгүүд:

• Есдүгээр сарын 2-нд Сөүл- Улаанбаатар, 

• Есдүгээр сарын 8-нд Хонг Конг /транзит/- Улаанбаатар, 

• Есдүгээр сарын 9-нд Токио- Улаанбаатар, 

• Есдүгээр сарын 14-нд Франкфурт- Улаанбаатар, 

• Есдүгээр сарын 15-нд Сөүл- Улаанбаатар, 

• Есдүгээр сарын 17-нд Хонг Конг /транзит/- Улаанбаатар, 

• Есдүгээр сарын 18-нд Истанбул- Улаанбаатар, 

• Есдүгээр сарын 21-нд Токио- Улаанбаатар, 

• Есдүгээр сарын 23-нд Франкфурт- Улаанбаатар, 

• Есдүгээр сарын 24-нд Сөүл- Улаанбаатар, 

• Есдүгээр сарын 25-нд Сидней- Улаанбаатар, 

• Есдүгээр сарын 28-нд Сиэтл- Улаанбаатар 

Нэг чиглэлийн тусгай нислэгт нийт 260 орчим иргэн байхаар төлөвлөсөн байна.

Тусгай үүргийн нислэгийг 2020 оны 1 дүгээр сарын 28-аас эхлэн зохион байгуулж, 8 дугаар сарын 26-ны өдрийн байдлаар 19437 иргэнээ агаарын болон газрын тээврээр татан аваад байна. 

Тодруулбал, гадаадын 53 орноос 63 удаагийн тусгай үүргийн нислэгээр 12976 иргэн, автозамаар 6461 иргэн эх орондоо ирсэн байна.