Ерөнхий сайд У.Хүрэлсүхийн Орхон аймагт болсон команд штабын сургуулилт дээр ташаандаа гар буутай очсон гэрэл зураг өнгөрсөн амралтын өдрүүдийн гол сэдэв байлаа. Амралтын хоёр өдөр л соошл хэрэглэгчид энэ сэдвээр давалгаалав. Шүүмжлэлээр эхлүүлээд өмөөрөлтөөр дуусгадаг нь түүний гол таагчиг шиг байгаа юм. Харин АНУ-д суугаа Элчин сайд Ё.Отгонбаяр цагаа олоогүй жиргээ төлөвлөгөөг тасалдуулах шахав. (Нэг бол согтуу байсан, үгүй бол золигтсон байх)

Хэрвээ сүүлд зураг нь нийтлэгдсэн эмэгтэй гишүүнтэй эсрэг зогсоож байгаад буудалцуулсан бол (мэдээж бай л буудна л даа) сургуулилт бүр төгс болох байлаа. Гадаадын хэвлэлүүд лав шүүрээд авах байсан биз. Армийнхан ч гэж тэр, ажил хийнэ гэж гурилдчих юм.

Гэсэн ч дор хаяж долоо хоног энэ сэдвийг сэвнэ гэдгийг мань хүн тооцоолчихсон л байгаа. Дагаад зарим нэг улстөрчид, намчид буу шийдэм агсаж ч магадгүй. Танхимынхаа 15 сайдад  лав бууны өртэй боллоо.

Хүүкийн гар бууг тойрсон хэрсүү шүүмжлэлүүд лав түүний арьсыг нэвтлэхгүй. Харин “Буу ханцуйлтал нь бусдыг бүү зодооч” гэдэг жиргээ мань хүнийг жинхэнэ доошоо хийлээ дээ. (Эр хүний эмзэг газрыг хатгаж байгаа юм шүү, золигнууд) Энэ зун Уул уурхайн сайд асан Д.Сумьяабазар Ерөнхий сайд У.Хүрэлсүхийг шанаадсан сураг гарч, шанаандаа теньтэй зураг нь сайтуудад нийтлэгдээгүй бол сайхан л “реклам” болох байлаа.

Б.ЗАЯА